XUSTIZA

MATALOBOS : TEMPORADA 2 - CAPITULO 46

Despois de pasar varios meses en prisión preventiva, quen ata agora era o narcotraficante máis poderoso da Sardiñeira está a piques de sentar no banco dos acusados para que ocorra o que todos agardan, que caia todo o peso da lei sobre el. Pero a familia de Carmelo Matalobos únese para facer fronte a esta situación, tan crítica, que a avogada Belén non é capaz de comprender os motivos que levaron a xuíza Mosterio e a fiscalía a pechar un sumario con poucas probas, polo que sospeita que gardan algún ás na manga. Namentres, a Garda Civil intenta asegurarse de que as influencias dos Matalobos non torpedeen o proceso contra o xefe.

Pero o negocio da droga non ten por costume facer descansos, e a última xogada de Carmelo antes de ser prendido, secuestrar o irmán de don Manuel, desequilibrou a balanza de poder, así que os colombianos, inquedos pola situación, envían a Bastida, o seu representante en España, para negociar con quen manexa o destino dos Matalobos en ausencia de Carmelo, nin máis nin menos que a matriarca do clan, dona Carme.