TODO TEN CONSECUENCIAS

MATALOBOS : TEMPORADA 2 - CAPITULO 48

Carmelo Matalobos vai conseguindo desfacerse dos seus inimigos e impón unha orde nova na Sardiñeira, feita á súa medida, antes de despedirse. A serie que emite a Galega os martes á noite, que conseguiu no penúltimo capítulo un novo récord de audiencia desta temporada (21,8% e 226.000 espectadores de media), ofrece hoxe o seu último capítulo.

Despois do asasinato de Bardanca e Malpica, xefes cos clans rivais, Carmelo logrou eliminar a case toda a competencia, aínda que debe render contas ante Adriana Calderón e os seus. Esta xogada converte a Matalobos na única organización coa infraestrutura necesaria para dar continuidade ao negocio e por tal motivo Adriana acepta volver poñer en marcha as descargas de cocaína, pero esixindo novas garantías. Aínda que no cuartel sufriron un golpe duro coa excarceración de Carmelo e a fuga de Diego, a garda civil non está disposta a permitir que os Matalobos volvan facer o que queiran e Marcos quere facer pagar á súa familia polo asasinato do pai.