O XOGO DO DOMINO

MATALOBOS : TEMPORADA 2 - CAPITULO 42

Como fichas de dominó dispostas nun gran taboleiro, así é a posición que ocupan os clans do narcotráfico na vila da Sardiñeira, nun xogo complicado de efectos en cadea, motivo polo cal non pode ser máis inoportuna a investigación de asuntos internos sobre os métodos pouco ortodoxos da cabo Seijas, agora que a garda civil sabe onde e cando ten que golpear os Matalobos, un traballo que podería non servir de nada se queda invalidada toda a información obtida pola axente. Aínda así, as primeiras detencións realizadas fan saltar as alarmas entre os Matalobos, pois algúns dos camelos poderían identificalos para recibir un trato favorable da Xustiza.

Namentres, na casa dos Matalobos a vida transcorre con aparente normalidade, e o regreso de Bárbara para recibir os coidados necesarios durante o embarazo fai que Dona Carme reviva vellos fantasmas ao descubrir que a nora mantén algún dos seus costumes antigos. Por outra parte, a relación entre Claudia e Lois chegou a un punto morto, despois das ameazas de Carmelo, pero Claudia decidirá que, por fin, xa é hora de tomar decisións pola súa conta.