ENTRE A VIDA E A MORTE

MATALOBOS : TEMPORADA 2 - CAPITULO 23

Algunhas das incógnitas que o público poderá ir desvelando na segunda temporada que arranca esta noite xiran arredor de Marcos Matalobos, capitán da U.C.O. e irmán de Carmelo, que está decidido a abandonar a Sardiñeira; unha Claudia Matalobos máis disposta que nunca a facerlles fronte aos negocios nada lícitos da súa familia; unha Bárbara Juve que se debate entre o amor e o odio máis visceral por seu home; saber se entre Sara e Marcos existe aínda algo e ata onde chega a ambición da xuíza Olaia Mosteiro.

Como punto de partida desta segunda temporada, no capítulo 23 de hoxe coñeceremos a magnitude da traizón de Diego Dourado, o home de confianza de Carmelo Matalobos, pero que agora está frustrado, por amor e por ambición, e é capaz de pactar con quen sexa necesario con tal de salvar a súa vida e poder obter o que el considera xusto.