DENTRO

MATALOBOS : TEMPORADA 1 - CAPITULO 4

Na nova entrega desta noite da serie "Matalobos", a detención do avogado Arturo Campos e o seu ingreso na cadea estase a converter nun auténtico quebracabezas para Carmelo. Por iso, o xefe dos Matalobos ordénalle a Diego, o sicario do clan e brazo executor do líder, organizar unha reunión cos xefes dos clans de Sardiñeira, tendo en conta que as investigacións xudiciais comezan a sinalar co dedo o xefe dos Matalobos: Marcos, totalmente entregado na investigación policial, acusa a Carmelo do asasinato de Veloso.

Por outra parte, mentres as noticias que chegan desde Colombia aumentan as preocupacións dos Matalobos, uns pais de Sardiñeira amósanse preocupados polas leas amorosas de súa filla: Lola e Pepe comentan os galanteos de Vanesa, unha moza fascinada pola aura de luxo e poder dos Matalobos, con Salva, un rapaz que traballa nun taller de tunning pero que ten as argalladas de Diego como maior fonte de ingresos.