DEBEDAS HERDADAS

MATALOBOS : TEMPORADA 2 - CAPITULO 25

Na ficción televisiva que se desenvolve na Sardiñeira, a investigación sobre o paradoiro de Arturo Campos avanza, xa que por fin aparece o seu coche e a Garda Civil busca nel pegadas que expliquen o sucedido. Namentres, Adriana e os clans da vila proxectan unha nova operación, aínda que esta vez deixando a un lado o clan de Carmelo, que ve como o futuro de seu fillo, Iván, e con el o de toda a familia, pende dun fío. Así, Bárbara, a nai, perde os nervios e busca consolo no alcol e na cocaína; amais, a conta atrás imposta por Adriana Calderón obriga a Carmelo a mover ceo e terra para intentar reunir o millón de euros que necesita para salvar a vida do fillo. As dificultades chegan ao extremo de ter que recorrer a un vello socio que se dedica ao préstamo de diñeiro.

Pero o pagamento do rescate non é o único problema ao que ten que ter facer fronte o narcotraficante, xa que a xuíza Olaia Mosteiro está á espera do máis mínimo erro do xefe dos Matalobos para acabar co seu negocio...