A CONFIDENTE

MATALOBOS : TEMPORADA 1 - CAPITULO 10

Nesta nova entrega da serie "Matalobos", as operacións policiais para deter a descarga da droga non están a saír segundo o previsto. O seguimento do Cartagena, o buque que transporta 3.500 quilos de cocaína, está a ser máis complicado do que esperaban no cuartel da Garda Civil: o tenente Táboas e os seus homes andan na busca do barco.

A presión da xuíza Olaia Mosteiro obriga a Marcos Matalobos, xefe de todas as operacións contra o narcotráfico, a recorrer á súa confidente, Bárbara. A muller de Carmelo, que leva demasiado tempo sobre o fío da navalla, tomará unha decisión complicada que non contentará a ninguén.