MATALOBOS : TEMPORADA 2 - CAPITULO 44
O pasado turbulento dos Matalobos volve baixo a ameaza de destrución, a partir da investigación sobre o asasinato de D. Álvaro, o patriarca do clan, que Marcos e Sara están a realizar e que é seguida moi preto por Carmelo, a través dos micros instalados na casa da avogada. Enfrontado como está ao pasado máis escuro da súa familia, Carmelo tamén ten que lidar co futuro e coidar de Bárbara forma parte do prezo que o narcotraficante está disposto a pagar por estar ao carón do seu herdeiro. Amais, o maior problema ao que se enfronta o clan dirixido por Carmelo é a detención dos seus homes máis importantes, Diego Dourado e Zico Gonçalves, polo que a avogada nova dos Matalobos, Belén, ten claro que a única salvación posible pasa polo sacrificio dun deles para asumir todos os cargos e librar o outro.
Pero tampouco o presente sorrí aos Matalobos, xa que o acoso da garda civil obriga a Carmelo a tomar certas precaucións, como trasladar a Xibraltar unha boa parte do seu capital.
No hay comentarios:
Publicar un comentario